Aafgelaupe zondig höbbe veer eine biezondere daag maoge believe mit de äöpening van het
nuuje Vastelaovessèzoen en aansjleetend de vorstenwissel én aafsjiedsrecepsie van auwt
vors Eric Voncken.
Wo veer traditiegetroew äöpene mit ein heilige mis op 11/11, vông de äöpening dit jaor
plaats op zôndig 13/11. Saame mit de jeugraod en auwt prinse, en ônger begeleiding van de
klanken van de hermenie begôste veer de daag mit het aafhaole van ôzze auwt vors Eric
Voncken. Vervolgens höbbe veer het nuuje Vastelaovessèzoen officieel geäöpend aan ‘t
beeld. Dit alles ônger ein sjtraolende zon.
Nao de äöpening waor het tied veur de vorstenwissel dae plaatsvông in de Asta. Ônger het
toeziend oug van de aanwezigen droog Eric Voncken de vorstensjtèk euver aan de nuuje
vors: Elmar Verpoort.
Aansjleetend hauwe vastelaovesvereiniginge, groepen, wagenboewers, vrunj en femilie de
meugelijkheid om Eric en Elvira te bedanken veur hun inzet in al die jaore.
Veer willen Eric en Elvira nogmaals hartelijk bedanken veur alles wat zie veur de Baeker
Pottentaote höbbe gedaon.
Ôzze felicitaties gaon oet nao Elmar Verpoort es nuuje vors van de Pottentaote.
Allewiel!