Allewiel

Hievan zin momenteel 13 sjtuks vervaardigd mit de inscriptie: “raod van èlf”. Veur de vors is d’r einzèlfde medaille, mèr dan mit de inscriptie: “Vorst”. Veur de sikkretaris is d’r ein medaille gemaak mit de inscriptie “Geheimsjriever”, veur de penningmeester ein mit de inscriptie “Klamottebewaarder”.
Dees medaille is en blief eigendom van de vereiniging; dus bie beëindiging van ‘t lidmaatsjap deent dees medaille ingeleverd te waere.

Dees medaille is vervaardigd in 1985, volgens de maker Hommel oet Kirkrao. Dees medaille is ès hoesorde auch euverhandig gewoore aan de hjère Fred en Jean Romans veur de insjpanninge die zie veur ôzze vereiniging höbbe gedaon. Dees medaille is, in dae tied, auch ès persoonlik bezit euverhandig aan alle leeje van de raod van èlf. Zie mochte zèlf bepaale of dees medaille bènne de vereiniging bleef. Dees orden zin noe eigendom van de vereiniging; dus bie beëindiging van ‘t lidmaatsjap deent dees kètting ingeleverd te waere.

Dees ôngersjeiïng is de hwoagste in rang bènne de Baeker Pottentaote. De Kebeijer is de ôngersjeiïng veur de Pottentaote en de Graffiaot is dezèlfde orde veur de Pottentaotinnekes. Dees waere allein nog oetgereik bie de installatie aan de nuuje prins en bie installasie van ein nuuj lid van de raod van èlf bie de äöpening van ’t vastelaovessèzoen bie de Pottentaot.
De anger persone, die veur dees ôngerscheiïng in aanmèrking kômme, deene ein mjèr ès gemiddelde inzat veur de vereiniging te höbbe gedaon, en waal veur mjèrdere jaore. Nao ôngerling euverlègk kènt ‘t dageliks besjtuur besjleete dees ôngerscheiïng toe te kénne.

Dees ôngersjeiïng is de ljègste in rang bènne de Baeker Pottentaote. De Wuiles is de ôngerscheiïng veur de Pottentaote en ‘t Meizoentje is dezèlfde orde voor de Pottentaotinnekes. Dees ôngerscheiïnge waere oetgereik aan de jeug. Zwoa wurt dees ôngerscheiïng oetgereik bie de installasie van de nuuje jeugprins. De anger persone, die veur dees ôngerscheijïng in aanmèrking kômme, môtte ein mjèr ès gemiddelde inzat veur de jeug höbbe gedaon, veur mjèrdere jaore. Nao ôngerling euverlègk kènt ‘t dageliks besjtuur besjleete dees ôngerscheijïng toe te kénne.

Dees ôngerscheiïng kènt allein door de vereiniging aangevraog waere bie ‘t SLV. Dees ôngerscheiïng wurd toegekènd aan ein lid, ès deze 11 jaor deil oetmaak van de raod van èlf.

Eise van ‘t SLV:
Het besjtuur van de Saamewirkende Limburgse Vastelaovesvereiniginge kènt op veurdrach van ein lidvereiniging, de Orde van Verdeenste toekènne aan ein persoon op grond van langdoerige (bie voorkeur minimaal 11 jaor) mjèr dan gemiddelde verdeenste veur dees lidvereiniging.

Auch veur dees ôngerscheiïng geldt, dat dees allein door de vereiniging aangevraog ként waere bie ‘t SLV. Dees ôngerscheiïng wurd toegekénd aan ein lid van de Baeker Hofkapel, ès hae of zie 11 jaor deil oet maak van de hofkapel.

Eise van ‘t SLV:
Het besjtuur van de Saamewirkende Limburgse Vastelaovesvereiniginge ként op veurdrach van ein lidvereniging, de Zilvere Buut toekénne aan eine persoon of groep van persone op grond van langdoerige (bij voorkeur minimaal 11 jaor) groate artistieke verdeenste veur de lidvereniging.

Dees prinsemedaille wurd jaorliks (vanaaf 1974) vervaardig in opdrach van de vors van de raod van èlf. Dees medaille wurd door de vereiniging aan de regerende prins uitgereik op ‘t prinsenbal dat ter èjre van häöm wurd gehauwte de waek veur de vastelaovend.

Dees orde (ronde sjpang mit ‘t vereinigingsembleem) is verneump nao de vrouw van köster Alex Lemmens, die taege häöre man zei in 1886: “Doe bès eine Pottentaot!” Dees ôngersjeiïng woort in ’t verléje gebroek, veur decorasie van ôngermjèr jubilarisse van collega vastelaovesvereiniginge, èsauch veur luuj die eine biezôngere inzat höbbe gedaon veur de Baeker Pottentaote. Vanaaf vastelaovessèzoen 2014 is hieveur de klein hoesorde in de plaats gekômme.

Eeder jaor wurd ein uniek vaenke oetgegaeve mit ein typerende aafbeelding oet Baek. Dees vaenkes waere uitgereik aan persone of vereiniginge en bie horecagelegenhede die sjponsore. Tevens waere dees uitgereik aan persone of vereiniginge, die zich dat jaor verdeenstelik höbbe gemaak voor de Baekse vastelaovend.

Deze pin/ sjpang, wurd oetgegaeve aan de bezeukers van de jaorlikse prinserecepsie. In de beginjaore van oetgifte (2000 t/m 2002), woort de kleur van het vereinigingsembleem jaorliks verangerd. Vanaaf ’t jaor 2005 is d’r veur gekaoze de kleur van ’t vereinigingsembleem in de originele kleur te laote en het jaortal in kleur te verangere.