Baek, 2 september 2020
Bèste vastelaovesvierder,
Veer höbbe de lètste tied, net wie eederein, mit sjmach gehaup dat de aafgekondigde maotreigele vanoet ut RIVM in het kader van het Corona-virus zauw waere versoepeld. Helaas zeen veer dan auch mit lede auge aan, dat ein versoepeling d’r momenteel helaas neet in zit.
Ôs motto is al jaore: “Vastelaovend vierste saame en neet allein!”
De vastelaovend, dae veer al sinds 1886 maoge viere in ’t Baekse, kènne veer neet op de ôs zwao vertroewde maneer viere mit auch in ach-numming van de aafgekondigde 1,5 maeter saamelaeving.
Veer ès Baeker Pottentaote zeen ôs momenteel dan auch genwoatzaak de volgende besjlissing te numme ônger de vigérende Corona-maotreigele:
Veer zulle veur ut vastelaovessèzoen 2021 neet op zeuk gaon nao eine nuuje prins èsauch jeugprins. Veer wille prinse ein onvergaetelik vastelaovessèzoen beeje en dat kènste noe einmaol allein, èste dat in eine kjaer good deis.
Téves zulle veer auch momenteel gein vastelaovesactiviteite op ut prègram gaon zètte.
Mochte de maotreigele onverhaup versoepeld waere, zulle veer oeteraard kieke wie veer dan hie qua activiteite invölling aan kènne gaon gaeve.
Veer heije uch oeteraard leever baeter nuuts wille brènge.
Groetend mit eine Baeker Allewiel!