Pottentaote11DS bie de Pottentaote

Zondig 14 jannewarie verangerde ’t Pottentaote-riek in ware DS-sfere. Dit waor te bekieke in het Asta-theater, wo Pottentaote11DS ès thema veur de jeugzitting op ‘t prègram sjtông; ongermjèr Mario, Luigi, Peach, Red, Bomb en Chuck waore van de partie, om op zeuk te gaon nao de nuuje jeugdprins van de Baeker Jeugpottentaote. Ein fantastisch decor zörgde auch dit jaor weer veur de gooje sfeer tiedens dees jeugzitting. ‘T ontbraok wèrkelijk aan niks, om ‘t fjès compleet te maake. Op ‘t einde van de jeugzitting woort aafsjied genômme van auwt jeugprins Pim I (Daemen), wonao Gijs Akkermans geinstalleerd is gewoore pès jeugprins Gijs I van de Baeker  Jeug Pottentaote. Gijs I wurt ôngersjteund door hofnar Joep Sistermanns.

Gijs is 10 jaor auwt en zit op basissjwoal St. Martinus in groep 7 en woont in Geverik. Hae sjpeelt gaer saxofoon bie de keuninklikke  Hermenie St. Caecilia en trap gaer taege ein bèlke mit zien teamgenootjes bie Caesar voetbal. Teeves kiek hae regelmaotig nao zien favoriete voetbalclub Ajax, wovan ziene druim is, dat hae de aaftrap maog verzörge in z’n prinsepak in de Johan Cruijff Arena. Auch sjpeelt hse gaer op ziene playstation ‘t sjpèl fornite.
Hae haet ‘t vastelaovesblood door zien aojers sjtruime en haet ‘t dan auch mit de paplaepel bènnegekrége. Ziene opa löp dit jaor veur de 33ste kjaer mit in de groate optoch op vastelaovesmaondig.

Jaorliks löp hae van kleins af aan mit, in de optochten mit de vrunjegroep van zien auwèrsj, zwoawaal bènne èsauch boete ’t Baekse saame mit ’t ganse gezin; pap Jeroen, mam Sanne, breurke Job en zösterke Saar. 

Jeugprins Gijs I zal d’r sjwoan opsjtaon tiedens ziene zaegetoch door de Baekse sjtraote op zondigaovend; ès de leechstoet ter èjre van häöm wurd georganiseerd. Dit wordt vas en zéker genéte ès hae mit z’n vrundjes van de jeugdraod door de Baekse sjtraote geit trèkke.

‘T motto van Jeugprins Gijs I is;

Ich bèn harsjtikke blie, 

want mit mien hofnar aan mien zie,

weurd dit van de Geveriker tot in de Baeker sjtraote,

èch vèt en cool sèzoen bie de Pottentaote!

Wilt geer jeugprins Gijs I komme felicitére, dan kènt geer häöm de hand kômme sjudde op vriedig 1 mjèrt in café Benelux, vanaaf 19.00 oer. Hienao kènt geer auch mit häöm danse. Wilt geer allein danse mit jeugprins Gijs I, dan zeet geer van harte wèlkom op `t kènjersjprènge op zondig 17 fibrewarie in café Benelux vanaaf 14.00 oer.