Baek 6 fibrewarie 2022,
Betruf: Groate Optoch Vastelaovesmaondig 28 fibrewarie
Pottentaote en Pottentaotinnekes Allewiel!!!
Leef vastelaovesvrunj,
Dit berich zal neet gans oet de loch kômme valle. Lang höbbe veer de opsie oape gehauwte, mede ingegaeve dat de optochhal oape waor om eventueel toch te kènne boewe veur de diverse groepe, èsauch veur de sociale contacte.
Daonaeve natuurlik de haup mit ut vastelaoveshart, terwiel ut versjtand ut allang wis; m.a.w. haupe taege baeter weite in.
Mèr ônger de huidige omsjtandighéde en de geldende Corona-reigels, höbbe auch veer ès Baeker Pottentaote weleuverwoage ut besjloet môtte numme, om de groate optoch neet ès haolbaar te besjtèmpele. Deese optoch zal dan auch neet op vastelaovesmaondig door de Baeker sjtraote gaon trèkke.
Mochte d’r toch nog versoepelinge waere aafgekondig waere veur dae tied, zulle veer kieke wat kènt bènne de dan geldende maotreigele.
Vier vastelaovend op gepaste wieze en blief gezond!
De Baeker Pottentaote