De Vastelaovend sjeit weer veur de deur. En dit beteikent dat auch dit jaor, traditiegetroew, de vastelaovesgezèt ‘De Baeker Pottentaot’ weer verkoch zal waere.
Op goonsdig 12 fibberwari zal de vastelaovesgezèt waere verkoch in Baek en Geverik door ruim 50 vriewilligers. De gezèt kost sjlechs €2,99 en wurd gratis thoes bezörg!
De luuj in Baek en Geverik kènne tussje 17:00 en 20:00 oer eemes aan de deur verwachten. Lèt op: dit is mit oetzondering van appartementen en de (carmel)flats.
Höb geer de verkaupers gemist, mer wilt geer toch gaer ein gezèt? Vanaaf donderdig 20 fibberwari kènt geer terecht bie Schoenmode Hoedemakers en Kapsalon René Hermans.
Allewiel!
