Zondig 12 jannewarie verangerde ’t Pottentaote-riek in ware circus-sfére. Dit waor te bekieke in het Asta-theater, wo Pottentaote-circus ès thema veur de jeugzitting op ‘t prègram sjtông; ongermjèr een clown/ acrobaat/ goochelaar/ dierentemmer en waarzegster waore van de partie, om op zeuk te gaon nao de nuuje jeugdprins van de Baeker Jeugpottentaote. Ein fantastisch decor zörgde auch dit jaor weer veur de gooje sfeer tiedens dees jeugzitting. ‘T ontbraok wèrkelijk aan niks, om ‘t fjès compleet te maake. Op ‘t einde van de jeugzitting woort aafsjied genômme van auwt jeugprins Gijs I (Akkermans), wonao Tim Vroemen geinstalleerd woord pès jeugdprins Tim I van de Baeker Jeug Pottentaote. Tim I wurt ôngersjteund door hofnar Rim Vroomen
Tim is 11 jaor auwt en zit op basissjwoal St. Martinus in groep 8 saamemit ziene hofnar Rim. Hae sjleit gaer op ein trumke bie de keuninklikke Hermenie St. Caecilia en is daonaeve sjportief aktief bie de lokale atletiek vereining Caesar.
Teeves kiek hae gaer en regelmaotig nao You-tube-filmpkes; auch sjpot hae gaer vleegtuuge en is dan auch reigelmaotig op ut vleegvèld in Baek te vèng, mèr auch in Düsseldorf en Amsterdam.
Hae haet ‘t vastelaovesblood door zien aojers sjtruime en haet ‘t dan auch mit de paplaepel bènnegekrége. Ziene opa waor in ut verleeje prins bie de Kwakkerte oet Sjpauwbik.
Jaorliks löp hae van kleins af aan mit, in de optochten mit de vrunjegroep van zien auwèrsj, zwoawaal bènne èsauch boete ’t Baekse mit ziene pap Willy en mam Angela.
Jeugprins Tim I zal d’r sjwoan opsjtaon tiedens ziene zaegetoch door de Baekse sjtraote op zondigaovend; ès de leechstoet ter èjre van häöm wurd georganiseerd. Dit wordt vas en zéker genéte ès hae mit z’n vrundjes van de jeugdraod door de Baekse sjtraote geit trèkke.
‘T motto van Jeugprins Tim I is;
Vastelaovend vèng ich super vèt en kèn ich èch neet laote,
Dit jaor maog ich zèlfs veurop ès jeugprins van de Baeker Pottentaote
Veer gaon deese vastelaovend knalle,
en dat doon veer mit z’n allen!
Wilt geer jeugprins Tim I kômme felicitére, dan kènt geer häöm de hand kômme sjudde op vriedig 21 fibrewarie in café Benelux, vanaaf 19.00 oer. Hienao kènt geer auch mit häöm danse. Wilt geer allein danse mit jeugprins Tim I, dan zeet geer van harte wèlkom op `t kènjersjprènge op zondig 9 fibrewarie in café Benelux vanaaf 14.00 oer.