Leef Pottentaote en Pottentaotinnekes,
Miene naam is Joep Sistermanns.
10 joar geleeje bén ich geboare en sindsdien woon ich bie mien pap en mam ( Jop en Nathalie) in de Gundelfingenstroat 76 in Baek.
Ich hub auch nog een breurke; Frank.
Ich zit in groep 7 van de St. Martinussjwaol, bie juf Yvette en juf Marlieneke.
Mien hobbys zin voetballe bie VV Caesar, méziek maake bie de jeughermenie (op de sjuuf), gamen op de play station en geweun leuke dinge doon mit mien vrunj.
Sinds veurig joar bin ich lid van de jeugdroad en hub ich maoge ervaare wie sjiek ut is om saame mit de anger jonges van de jeugdroad vasteloavend te viere!
Op ene daag woar ich toes op de IPad gét filmkes aan ‘t kieke toen de bel ging. Ut waore Monique en Kenny. Ich dach: “ wat komme die hie doon” ? Gelukkig nuujjaor wunsje ? Mer al hjél sjnel veel ut kwartje…… Nao gét geproat euver allerlei dinger die ich helemaol neet belangriek vong, kom eindelijk de vroag woovan ich sjtiekum haopte dat ze gesjtélt zou waere…. Of ich hofnar van de nuuje jeugdprins wouw waere.
Ik hoofde doa nog gein minuut euver noa te dinke: natuurlijk wil ich dat ! Hjél gaer !!
Terwiel Monique en Kenny van alles vertelden euver ut zeen van Hofnar en alles wat doabie kump kieke hub ich allein mer mit unne groate lach op mien gezich zitte loestere. Ich vong het allemoal good!
Toen ging Kenny ut pak van de nar oet de auto haole om te kieke of mich dat pasde….Ich veulde d’r mich auch metein helemaol happy in.
Het allerléstigste waor dat ich ut neemes moch vertélle dat ich de nuuje hofnar bin, auch mien breurke en opa’s en oma’s neet. Op sjwoal woort der druk euver gekald mer ich hub miene mond good kénne haute! Ich waor zelf natuurlijk auch waal jhél benuut wae de nuuje jeugdprins woort . Ut is sjus un groat “Wie is de mol” sjpel!
Ich vong ut supersjiek dat ich op ut eind van de jeugzitting drachter kaom dat Gijs de nuuje jeugprins zouw waere! Veer zin al lang vrunj dus ich ving ut super sjiek dat hae mich oetgekaoze haet om ziene hofnar te zin! Ich bin hjél benuut nao wat allemoal op mich aaf geit komme.
Ich weit zeeker dat veer der saame mit jeugrpins Gijs I, de jeugraod, de groate raod en Prins Michael I unne super leuke vastelaovend van gaon maake!
Veul sjpas en plezeer allemaol !
Allewiel!
Hofnar Joep
