He, he, eindelik, ut zjwiege en af en toe auch ein bietje leege taege eederein is veurbie. In mien jubileumjoar, ich bèn in december 11 jaor gewaore, bèn ich de Jeugprins van de Baeker Pottentaote.
Ut begoosj allemaol eind september wie pap en mam mich mitnomme nao ein vergadering van ut badmintonnen. Toen veer bie de veurdeur sjtinge, keek ich op ut naamburdje en zaog “femilie Voncken” sjtaon. Ein bietje raar, dach ich toen. Eric deeg aope en goof mich ein handj. Veer ginge nao binne en dao zaote Monique en Kenny van de Jeugroadkommissie. Ich waor ein bietje zenuwéchtig. Mer toen Eric vraog of ich de nuuje Jeugprins van de Baeker Pottentaote wouw waere, zei ich metein “jao”!
Vanaaf toen höb ich al hjèl väöl sjieke dènger mitgemaak. Het pèkse passen, de sjteek mit vaere oetzeuke, mit pap en mam ein sjtuk van de prinsewaage ophaole en natuurlik de foto’s maake. Sjpannend allemaol, zeker omdat neemes ut wis. Zelfs mien zösterke Sanne neet.
Op ein geweldige Jeugzitting op 14 Januari woord ich oetgeroope saame mit miene Hofnar Stef.
Ich gaon d’r saame mit miene Hofnar Stef, de Jeugroad, de grwaote Prins Ivo I, de grwaote raod en eederein in Baek eine supersjieke Vastelaovend van maake.
Gaer wil ich Eric, Elmar en Roy van het dageliks besjtuur bedanke dat ze mich höbbe oetgekaoze. En natuurlik Monique en Kenny veur de sjieke begeleiding tot noe toe.
Ein ech hwaogtepunt van mien korte prinsebesjtoan tot noe toe waor de spréngmiddig wo veer same met de jeug van Baek een sjiek fjèske höbbe geboewd. Auch de inlaupdaag bie de grwaote Prins woar te gèk.
Ich kiek al oet nao alle activiteiten en de optochte die ich samen met miene hofnar Stef en de jeugraod nog gaon belaeve, dit waere allemaol nog hwaogtepunten.
Sjös wie miene held Max Verstappen, racen veer saame door dit korte sèzoen.
Ich sjleet noe aaf mit miene liefsjpreuk:
Vastelaovend veng ich super top,
dit jaor zelfs mit de prinsesjteek op.
Danse en sprenge doon ich neet allein,
dees drie daag vier’ste mit eederein!
Allewiel!!
