Gulden Humor 2019

Resultaat 1–1 van de 3 resultaten wordt getoond

GULDEN HUMOR 2019 VOOR THIJS BRAND

Op 29 mei 2019 “euverveel” ut SLV besjtuur van de samewirkende Limburgse Vastelaovesvereiniginge (SLV) en vors Eric Voncken van de Baeker Pottentaote de Laureaat van de Gulden Humor 2019: “Thijs Brand” in zien woonplaats Mestreech. De 17 lidvereiniginge van de SLV höbbe unaniem ingesjtömp mit de veurdrach van ut besjtuur, om Thijs Brand deese hwoagste vastelaovesôngersjeijing van Limburg toe te kènne. Thijs Brand waor van 1978 pès 2000 directeur van de gelieknamige broewerie oet Wielder. Ongeluifelik väöl vestelaovesvereiniginge zin neet allein door de broewerie, mèr auch door de fèmilie Brand ôngersjteund om hun culturéle uutinge oet te veure. Nog sjteeds is de hjèr Brand – väölal achter de sjèrme– aktief in diverse (gooj doele-) sjtichtinge ter bevordering van de cultuur in Limburg. De orde van de Gulden Humor wurd sinds 1962 door de Samewirkende Limburgse Vastelaovesvereniginge (SLV) oetgereik aan eemes, dae zich biezônger verdeenstelik haet gemaak veur de bevordering van de laevesblieheid, de humor of de vastelaovend en Thijs Brand pas perfèk in dit profiel. Veurgèngers van Thijs Brand zin ôngermjèr Frans Timmermans, Maria Verhoeven, Jan Smeets en Joseph Luns. In 1964 organiseerde de Baeker Pottentaote de Gulden Humor mit ès laureaat Godfried Bomans; in 2006 veel de èjr te beurt aan Erica Terpstra om de Gulden Humor in ontvangst te maoge numme in Baek.

PRÈGRAMM

  • Ontvangst Asta Theater (12.45 – 13.15 u)
  • Oetreiking Gulden Humor St. Martinuskirk. (14.30 u)
  • Diner Asta theater (17.00 u)
  • Vertrèk nao fjèslokasie (18.30 u)
  • Aanvang fjèsaovend prègramm Mondial Baek 20.00

1. ADRES ASTA THEATER

Markt 6a, 6191 JG Beek

2. ADRES MONDIAL

Middelweg 12, 6191 NC Beek 

SPONSOREN