De Jeugzitting!

Eeder jaor op de zôndig nao de grwaote zitting organiseert ´t Jeugzittingscomité de Jeugzitting. De Jeugzitting is ´n fjaeske veur en door kènjer.

Rondom ´t thema, dat gekaoze wurd door ´t Jeugprinske van ´t aafgelaope jaor, waere optreijens ingesjtudeerd door alle kleine Pottentaote en Pottentaotinnekes van de gemeinte Baek. Tiejens dees Jeugzitting maoge de Jeugprins en ziene Hofnar veur d´n letste kjèr sjtraole op de bühne. Same zulle zie dan aan ´t einde aafsjied numme van alle Pottentaote en Pottentaotinnekes. Nao ´t aafsjied maoge de Auwt Jeugprins, de Auwt adjudant, alle kènjer en papa´s en mama´s in de zaal de nuuje Jeugprins en ziene adjudant toejuichen. Zie zulle dan saame euver ´t nuujt seizoen regeren.

Om de Jeugprins en ziene adjudant veur de lètste kjèr te laote sjtraole zeen vanaaf november al hjèl veul vrijwilligers bezig mèt ´t in ein zitte van de Jeugzitting. Zwao is d´r eder jaor unne geweldige decorploog, creatieve verhaolsjrievers, energieke hoofdrolsjpelers, sjwaone schminckers, begeleiders van de kènjer en natuurlijk alle kènjer zelf! Allemaol luuij die zich inzètte veur dea letste kjèr.

Eine gezellige middig!

Op d´n daag zelf is de sjpanning al vanaaf vreug in de ochtend veulbaar. Op dae daag kump alles woo eederein al maonde keihél aan gewirk haet, allemaol saame. De decors, de optrèjes, de kleijer en de schmink. Dit alles maak de zitting eeder jaor weer geweldig.

En es alles dan veurbie is, en d’r is eine nuuje Jeugprins en unne nuuje Hofnar oetgeroope en de kènjer hun optrèjes achter de rögk höbbe, dan is ´t tied om lekker mèt alle vriendjes en vriendinnetjes te sjprènge!

Uiteraard zeen veer altied op zeuk nao luuj die ôs wille helpe!

VRIJWILLIGER WAERE