Talentjes gezoch!
Eeder jaor is d´r weer de Jeugzitting van de Baeker Pottentaote. Eine geweldige middig veur en mèt ôs sjnaake en breumelkes en natuurlijk auch veur alle anger Pottentaote en Pottentaotinnekes. Ôs Baeker Jeug deit geweldig hun bès om d´r eine sjwoane daag van te make.
Op zondig 13 jannewarie 2019 gaon veer d´r weer get sjieks van make. Geweldige acteurs, decors en op ´t hwoagtepunt van deze middig wurd de nuuje Jeugprins van de Pottentaote oetgeroope dae ´t nuujt seizoen geit regere.
Daorom zeen veer es Jeugzittingcomité op zeuk nao jonges en maedjes die mèt wille doon aan dees zitting. Veer zeuke:
- Acteurs
- Dansers
- Figurante
die in groep 1 t/m 8 zitte. De hoofs zelfs neet op ein Baeker sjwoal te zitte. Eederein dae in de gemeinte Baek woont kènt mèt doon.
Om de toneelsjtökskes en dènskes in te sjtudere wurd minimaal 4 kjaer geoefend. Wienae en woo dat wurd nog bekend gemaak.
Ver zouwe ´t geweldig vènge este mèt wils doon! Völ ´t insjriefformulier hiej in. Lever dit aaf of duu ´t in de breevebös veur 5 november 2018 op Elsstraat 23, 6191 JW in Baek of mail dit nao: jeugdzitting@gmail.com.
Allewiel!
Jeugzittingcomité Baeker Pottentaote