Nuuts

Nuuje website Baeker Pottentaote

november 11, 2017 No Comments

De 11e van de 11e, om 11 euver 11. Dit jaor neet allein de traditionele äöpening van ‘t Vastelaovessèzoen, mer áuch de lancering van de nuuj Pottentaote website.

Nao jaorelangk gebruuk te höbbe gemaak van ôs ouw vertroewde website woort ’t langzaam tied veur eine update. In samenwerking mit Silvan Falchi van Pixogroup en ôngersjteuning van Mitchell Lacroix van Lacroix Creatieve Communicatie höbbe veer gewirk aan nuuje tekste, foto’s en designs. En dit is ’t resultaat. Veer zeen d’r gwruètsj op!

De nuuj website is gemekkelijk te bekieke op versjillende apparaten (pc, tablet en smartphone). Uiteraard kènt geer weer diverse informasie trök vènge zo ès de Vastelaovesagenda, de Prinsegalerie of ein sjtukske historie van de Pottentaote, mer veer höbbe auch ein aantal nuuj elemente toegevoeg: ônger andere ein jeugzitting themapagina, ein Raod van 11 èn Jeugraod van 11 pagina wo de diverse leeje waere oetgelich en ein archiefpagina wo de Vastelaovesgèzette van veule jaore digitaal te bekieke zeen. Auch zulle veer op korte termijn nog diverse fotoalbums van evenemente toevoegen.

In de toekôms haupe veer ’t digitale archief oet te breide mit anger leuk materiaal. Dus höb geer nog digitaal archiefmateriaal wat wellich ein leuke toevoeging is veur ôzze site? Laot ’t ôs effe weite.

Allewiel!