Miene naam is Stef van Schendel!

Leef Pottentaote en Pottentaotinnekes,

Miene naam is Stef van Schendel en ich zit in groep 8 van de St. Martinussjwaol. Ich bén unne zoon van Danny en Nicole van Schendel en ich hub un graote Zus Iza. Ich woon nog effe op t adres Schuttenkleef 4 in Baek natuurlijk.

Mien hobby’s zin onger de lat stjoan bie de VV Caesar en mit mien vrunj same sjpelkes doon online op de I-Pad. Mer af en toe eens lekker de ganse daag in bid ligge ving ich auch waal fijn.

In de waek veur de jeugdzitting werd ich bie de jeugcommissie gevroag. Pap hèj mich wies gemaak dat ich mit moos noa de voetbalclub om bel te tille, mer ich hey als sjnel door dat t get mit de jeugroad hey te maake. Toen ze mich vertilde dat de nuuje jeugprins gevroag hey of ich zich ziene hofnar zou wille weare, hub ich doa neet lang euver noagedag. T is mien litste joar bie de jeugroad en dan wil ich der auch t biste van maake dus ”Jao hjèl gear” . Op mien vroag wea weurt t dan kreeg ich gein antwoord, doa moos ich noch mer een weakske op wachte.

Ich kreeg auch te heure dat vanaaf dit carnavals seizoen de hofnar een nuuj narrekap krieg en dea moch ich dan auch metein ff passe….. Dea kos waal veur mich gemaak zin!! Hea paste perfec en auch de nuuje losse kraag dea bie t narrepak heurt kreeg ich gemekkelijk om de bulles.

Wie sjiek dat ich hofnar moach zin dit seizoen bie de jeugroad van de pottentoate. Want ja mit twee opa’s die prins zin geweas, miene pap dea prins is geweas en mien tant die lichkeunigin is geweas, dink ich dat dit noch ontbroak in t rieke.

Veur mich is ut ‘t litste joar dat ich bie de jeugroad bin mer ich belaof uch dat ich de nuuje jeugprins Pim II altied zal sjteune, zoals eine echte hofnar dat heurt te doon. Ich haup dan auch dat ich same mit  jeugprins Pim II en groate prins Ivo I een super seizoen moach hubbe. Aan mich zal ‘t in eeder geval neet ligge. Veul sjaps en plezeer allemoal alvas.

Pottentaote en Pottentaotinnekes ALLEWIEL

Hofnar Stef