Wo alle angere vastelaovesvereinigingen in Limburg “Alaaf” ès groet höbbe, höbbe veer in Baek “Allewiel” ès groet. Auch groete de Baeker (Jeug)Pottentaote ès enige vastelaovesvereiniging mit de linkerhand aan de rechterkant van ‘t gezich.
Deze groet is door ein ingaeving van Graaf Corten ontsjtange.
Op 26 november 1947 vreug Graaf Jeu Corten ‘t woord op ein geheim vergadering.
Hae haet ein geweldige ingaeving en kump mit ‘t idee om “Allewiel” ès groet te gebroeke. “Allewiel” is ein Baeker woord dat dèks gebroek wurd. Dankzij die briljante ingaeving höbbe de Baeker (Jeug)Pottentaote eine unieke groet.
